(ភ្នំពេញ)៖ នៅសាលប្រជុំក្រុមប្រឹក្សាភិបាល ស្នាក់ការកណ្ដាល ប.ស.ស. រាជធានីភ្នំពេញ នាព្រឹកថ្ងៃទី១៥ ខែមីនា ឆ្នាំ២០២៣ នេះ ឯកឧត្តម ម៉េង ហុង អគ្គនាយករង ប.ស.ស. បានអញ្ជើញជាអធិបតីដឹកនាំកិច្ចប្រជុំស្តីពីការធ្វើបច្ចុប្បន្នភាព និងការពិនិត្យលិខិតបទដ្ឋានគតិយុត្តិពាក់ព័ន្ធ នឹងការងារអធិការកិច្ច ដោយមានការចូលរួមពី លោកប្រធាន អនុប្រធាននាយកដ្ឋាន លោកទីប្រឹក្សា លោក លោកស្រីប្រធាន អនុប្រធានការិយាល័យថ្នាក់កណ្តាល លោក លោកស្រីប្រធានសាខា ប.ស.ស. ខេត្ត ខណ្ឌទាំង២៨ តាមរយៈប្រព័ន្ធ អនឡាញ Zoom ។
ក្នុងកិច្ចប្រជុំនេះ ឯកឧត្តមអគ្គនាយករង ប.ស.ស. បានស្នើដល់នាយកដ្ឋានអធិការកិច្ចសន្តិសុខសង្គម និងលោក លោកស្រីប្រធានសាខា ប.ស.ស. ខេត្ត ខណ្ឌ ទាំងអស់ត្រូវពង្រឹងបន្ថែមលើការងារអធិកាកិច្ចចុះបញ្ជីសហគ្រាស គ្រឹះស្ថាន ការងារចុះអធិការកិច្ចបង់ភាគទាន បង្កើនការផ្សព្វផ្សាយស្តីពីអត្ថប្រយោជន៍ ប.ស.ស. ឱ្យបានទូលំទូលាយ ជម្រុញការងារអង្កេតឱ្យលឿនឆាប់រហ័ស គឺធ្វើការធានាយ៉ាងណាផ្តល់សេវាជូនបងប្អូនកម្មករនិយោជិតឱ្យបានលឿន និងទាន់ពេលវេលា។
