ការបង់ភាគទាន

១.កាតព្វកិច្ច និងអត្រានៃការបង់ភាគទាន

        និយោជក ឬម្ចាស់សហគ្រាស គ្រឹះស្ថានទាំងអស់ ដែលស្ថិតនៅក្រោមច្បាប់ស្តីពីរបបសន្តិសុខសង្គមសម្រាប់ ជនទាំងឡាយដែលស្ថិតនៅក្រោមបទប្បញ្ញត្តិនៃ ច្បាប់ស្តីពីការងារ បានចុះបញ្ជិកាក្នុងប.ស.ស និងមានកម្មករនិយោជិតចាប់ពី ៨ (ប្រាំបី)នាក់ឡើងទៅ ត្រូវមានកាតព្វកិច្ចបង់ភាគទានផ្នែកហានិភ័យការងារ ផ្នែកថែទាំសុខភាពជូនដល់ ប.ស.ស និងផ្នែកផ្សេងៗទៀត។

        ១.១.ផ្នែកហានិភ័យការងារ

         ភាគទានផ្នែកហានិភ័យការងារ គឺជាកាតព្វកិច្ចដោយឡែករបស់និយោជក ឬម្ចាស់សហគ្រាស គ្រឹះស្ថាន។ កម្មករនិយោជិតមិនតម្រូវឱ្យមានកាតព្វកិច្ចក្នុងការ បង់ភាគទានផ្នែកនេះទេ។

         អត្រាភាគទានផ្នែកហានិភ័យការងារជាអត្រាឯកភាព ដែលត្រូវបានកំណត់ស្មើនឹង ០,៨(សូន្យក្បៀសប្រាំបី)ភាគ   រយ នៃប្រាក់ឈ្នួលមធ្យមក្នុងលំដាប់ថ្នាក់ នៃប្រាក់ឈ្នួលប្រចាំខែរបស់កម្មករនិយោជិត។

         អត្រាបង់ភាគទានសម្រាប់ផ្នែកហានិភ័យការងារ

ថ្នាក់	ប្រាក់ឈ្នួលប្រចាំខែ (គិតជារៀល)	ប្រាក់ឈ្នួលមធ្យមប្រចាំខែ (គិតជារៀល)	ភាគទានប្រចាំខែសម្រាប់កម្មករនិយោជិក ១ នាក់ (០,៨%)
១	តិចជាង ២០០.០០០	២០០.០០០	១.៦០០
២	២០០.០០១-២៥០.០០០	២២៥.០០០	១.៨០០
៣	២៥០.០០១-៣០០.០០០	២៧៥.០០០	២.២០០
៤	៣០០.០០១-៣៥០.០០០	៣២៥.០០០	២.៦០០
៥	៣៥០.០០១-៤០០.០០០	៣៧៥.០០០	៣.០០០
៦	៤០០.០០១ – ៤៥០.០០១	៤២៥.០០០	៣.៤០០
៧	៤៥០.០០១ – ៥០០.០០០	៤៧៥.០០០	៣.៨០០
៨	៥០០.០០១ – ៥៥០.០០០	៥២៥.០០០	៤.២០០
៩	៥៥០.០០១ – ៦០០.០០០	៥៧៥.០០០	៤.៦០០
១០	៦០០.០០១ – ៦៥០.០០០	៦២៥.០០០	៥.០០០
១១	៦៥០.០០ -៧០០.០០០	៦៧៥.០០០	៥.៤០០
១២	៧០០.០០១-៧៥០.០០០	៧២៥.០០០	៥.៨០០
១៣	៧៥០.០០១-៨០០.០០០	៧៧៥.០០០	៦.២០០
១៤	៨០០.០០១ – ៨៥០.០០០	៨២៥.០០០	៦.៦០០
១៥	៨៥០.០០១ – ៩០០.០០០	៨៧៥.០០០	៧.០០០
១៦	៩០០.០០១ – ៩៥០.០០០	៩២៥.០០០	៧.៤០០
១៧	៩៥០.០០១-១.០០០.០០០	៩៧៥.០០០	៧.៨០០
១៨	១.០០០.០០១ ទ្បើង	១.០០០.០០០	៨.០០០

           ១.២.ផ្នែកថែទាំសុខភាព

           អត្រាភាគទានផ្នែកថែទាំសុខភាពជាបន្ទុករបស់និយោជក ឬម្ចាស់សហគ្រាសគ្រឹះស្ថាន ត្រូវកំណត់ស្នើនឹង ១,៣ (មួយក្បៀសបី)ភាគរយ នៃប្រាក់ឈ្នួលមធ្យមក្នុងលំដាប់ថ្នាក់នៃប្រាក់ឈ្នួលប្រចាំខែរបស់កម្មករនិយោជិត។

           អត្រាភាគទានផ្នែកថែទាំសុខភាពជាបន្ទុករបស់កម្មករនិយោជិត ត្រូវកំណត់ស្នើនឹង ១,៣(មួយក្បៀសបី)ភាគរយ នៃប្រាក់ឈ្នួលមធ្យមក្នុងលំដាប់ថ្នាក់នៃ ប្រាក់ឈ្នួលប្រចាំខែរបស់កម្មករនិយោជិត។

           ប្រាក់ឈ្នួលមធ្យមប្រចាំខែក្នុងលំដាប់ថ្នាក់នៃប្រាក់ឈ្នួលប្រចាំខែរបស់កម្មករនិយោជិត សម្រាប់ផ្នែកថែទាំសុខភាព ត្រូវកំណត់ដូចគ្នានឹងផ្នែកហានិភ័យការងារ ដែរ។

           តារាងភាគទានផ្នែកថែទាំសុខភាព

ថ្នាក់	ប្រាក់ឈ្នួលប្រចាំខែ (គិតជារៀល)	ប្រាក់ឈ្នួលមធ្យមប្រចាំខែ (គិតជារៀល)	ភាគទានជាបន្ទុក កម្មករនិយោជិក ១ នាក់ (១,៣%)	ភាគទានជាបន្ទុកនិយោជកសម្រាប់ កម្មករនិយោជិត ១ នាក់ (១,៣%)	ភាគទានសរុប
១	តិចជាង ២០០.០០០	២០០.០០០	២.៦០០	២.៦០០	៥.២០០
២	២០០.០០១ – ២៥០.០០០	២២៥.០០០	២.៩២៥	២.៩២៥	៥.៨៥០
៣	២៥០.០០១ – ៣០០.០០០	២៧៥.០០០	៣.៥៧៥	៣.៥៧៥	៧.១៥០
៤	៣០០.០០១ – ៣៥០.០០០	៣២៥.០០០	៤.២២៥	៤.២២៥	៨.៤៥០
៥	៣៥០.០០១ – ៤០០.០០០	៣៧៥.០០០	៤.៨៧៥	៤.៨៧៥	៩.៧៥០
៦	៤០០.០០១ – ៤៥០.០០១	៤២៥.០០០	៥.៥២៥	៥.៥២៥	១១.០៥០
៧	៤៥០.០០១ – ៥០០.០០០	៤៧៥.០០០	៦.១៧៥	៦.១៧៥	១២.៣៥០
៨	៥០០.០០១ – ៥៥០.០០០	៥២៥.០០០	៦.៨២៥	៦.៨២៥	១៣.៦៥០
៩	៥៥០.០០១ – ៦០០.០០០	៥៧៥.០០០	៧.៤៧៥	៧.៤៧៥	១៤.៩៥០
១០	៦០០.០០១ – ៦៥០.០០០	៦២៥.០០០	៨.១២៥	៨.១២៥	១៦.២៥០
១១	៦៥០.០០១ – ៧០០.០០០	៦៧៥.០០០	៨.៧៧៥	៨.៧៧៥	១៧.៥៥០
១២	៧០០.០០១ – ៧៥០.០០០	៧២៥.០០០	៩.៤២៥	៩.៤២៥	១៨.៨៥០
១៣	៧៥០.០០១ – ៨០០.០០០	៧៧៥.០០០	១០.០៧៥	១០.០៧៥	២០.១៥០
១៤	៨០០.០០១ – ៨៥០.០០០	៨២៥.០០០	១០.៧២៥	១០.៧២៥	២១.៤៥០
១៥	៨៥០.០០១ – ៩០០.០០០	៨៧៥.០០០	១១.៣៧៥	១១.៣៧៥	២២.៧៥០
១៦	៩០០.០០១ – ៩៥០.០០០	៩២៥.០០០	១២.០២៥	១២.០២៥	២៤.០៥០
១៧	៩៥០.០០១-១.០០០.០០០	៩៧៥.០០០	១២.៦៧៥	១២.៦៧៥	២៥.៣៥០
១៨	១.០០០.០០១ ទ្បើង	១.០០០.០០០	១៣.០០០	១៣.០០០	២៦.០០០

២.កាលបរិច្ឆេទនៃការបង់ភាគទាន

       កាលបរិច្ឆេទនៃការចាប់ផ្តើមបង់ភាគទានដំបូង ត្រូវបានកំណត់ក្នុងអំឡុងពេល ៣០ (សាមសិប)ថ្ងៃ បន្ទាប់ពីកាលបរិច្ឆេទ ដែលប.ស.ស បានចេញ “វិញ្ញាបនបត្របញ្ជិកា សហគ្រាស គ្រឹះស្ថាន”។ និយោជក ឬម្ចាស់សហគ្រាស គ្រឹះស្ថាន ត្រូវបង់ភាគទានសម្រាប់ខែនីមួយៗយ៉ាងយូរបំផុតនៅថ្ងៃទី១៥ នៃខែបន្ទាប់។ និយោជក ឬម្ចាស់សហគ្រាស គ្រឹះស្ថាន ដែល ខកខានមិនបានបង់ភាគទានតាមកាលបរិច្ឆេទ ដែលបានកំណត់ត្រូវបង់បន្ថែមនូវការប្រាក់ប្រចាំខែតាមអត្រាពីរ (២) ភាគរយ នៃចំនួនភាគទានជាក់ស្តែងដែលត្រូវបង់ក្នុងខែនីមួយៗ និងត្រូវទទួលការពិន័យជាប្រាក់ ដូចមានចែងក្នុងមាត្រា ៣៦ នៃ       ច្បាប់ស្តីរបបសន្តិសុខសង្គមសម្រាប់ជនទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ។

៣. នីតិវិធី និងបែបបទបង់ភាគទាន

       និយោជក ឬម្ចាស់សហគ្រាស គ្រឹះស្ថាន ត្រូវបង់ភាគទានចូលទៅក្នុងគណនីរបស់ប.ស.ស ដែលស្ថិតក្នុងធានាគារ ACLEDA។ ការបង់ភាគទាន អាចត្រូវបានអនុវត្តតាមរបៀបដូចខាងក្រោម៖

• និយោជក ឬម្ចាស់សហគ្រាស គ្រឹះស្ថាន អាចបង់ផ្ទាល់នៅធនាគារដូចមុនដដែល ឬ
• និយោជក ឬម្ចាស់សហគ្រាស គ្រឹះស្ថាន អាចបង់តាមរយៈ ACLEDA Unity ឬ Internet Banking។ ការចំណាយលើសេវាកម្មនេះគឺជាបន្ទុកផ្ទាល់របស់និយោជក។

       បន្ទាប់មកនិយោជក ឬម្ចាស់សហគ្រាស គ្រឹះស្ថាន ត្រូវយកឯកសារដែលបានបង់ភាគទានមក ប.ស.ស តាមរបៀបដូចខាងក្រោម៖

• បញ្ជូនឯកសារដោយផ្ទាល់មក ប.ស.ស ឬសាខា ប.ស.ស ខេត្ត/ខ័ណ្ឌ ឬ
• បញ្ជូនឯកសារតាមរយៈសាអេឡិចត្រូនិច contribution@nssf.gov.kh ឬតាមរយៈ Web application nssf.onlinle/eform សម្រាប់ផ្នែកថែទាំសុខភាព

       ចំពោះ ឯកសារដែលនិយោជក ឬម្ចាស់សហគ្រាស គ្រឹះស្ថានភ្ជាប់មក ប.ស.ស មានដូចជា៖

• បញ្ជិកាកម្មករនិយោជិត (E-Form)
• តារាងបើកបៀវត្ស(Payroll list)
• លិខិតប្រកាសបង់ភាគទាន
• លិខិតបញ្ជាក់ពីនិយោជក(Form B)
• បង្កាន់ដៃបង់ប្រាក់ពីធនាគារ(Bank slip)

       ករណីឯកសារដែលនិយោជក ឬម្ចាស់សហគ្រាស គ្រឹះស្ថាន បញ្ជូនតាមរយៈ Email ឬ Web application ត្រូវស្កេនឯកសារមាន លិខិតប្រកាសបង់ភាគទាន, លិខិតបញ្ជាក់ពីនិយោជក និងបង្កាន់ដៃបង់ប្រាក់ពីធនាគារ និង Copy Soft មាន E-form និង Payroll list។

        ប.ស.ស ពិនិត្យឃើញថាត្រឹមត្រូវហើយ នឹងចេញលិខិតបញ្ជាក់ការបង់ភាគទានជូនទៅនិយោជក ឬម្ចាស់សហគ្រាស គ្រឹះស្ថានវិញ។

៤.ការត្រួតពិនិត្យសៀវភៅបើកប្រាក់ និងបញ្ជីឈ្មោះកម្មករនិយោជិត

      និយោជក ឬម្ចាស់សហគ្រាស គ្រឹះស្ថាន ត្រូវផ្តល់សៀវភៅបើកប្រាក់ (តារាងបើកប្រាក់បៀវត្សនីមួយៗ) បញ្ជីឈ្មោះកម្មករនិយោជិត និងឯកសារពាក់ព័ន្ធផ្សេងៗជូន ប.ស.ស ដើម្បីពិនិត្យនៅពេលចាំបាច់។

៥.បទដ្ឋានគតិយុត្ត

• ច្បាប់ស្តីពីរបបសន្តិសុខសង្គមសម្រាប់ជនទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ
• ប្រកាសលេខ១០៨ កប/ប្រក ចុះថ្ងៃទី១៦ ខែមិថុនា ឆ្នាំ២០០៨ ស្តីពីការកំណត់អត្រាភាគទាន និងបែបបទនៃការបង់ភាគទានសម្រាប់ផ្នែកហានិភ័យការងារ
• ប្រកាសលេខ២៩៤ កប/ប្រក ចុះថ្ងៃទី២០ ខែវិច្ឆិកា ឆ្នាំ២០១៤ ស្តីពីការកែសម្រួលប្រការ៣ ប្រការ៤ និង ប្រការ៥ នៃប្រកាសលេខ១០៨ កប/ប្រក ចុះថ្ងៃទី១៦ ខែមិថុនា ឆ្នាំ២០០៨ ស្តីពីការកំណត់អត្រាភាគទាន និងបែបបទនៃការបង់ភាគទានសម្រាប់ផ្នែកហានិភ័យការងារ
• សេចក្តីជូនដំណឹងលេខ១០/១៤ ប.ស.ស ចុះថ្ងៃទី២២ ខែធ្នូ ឆ្នាំ២០១៤ ស្តីពីនីតិវិធីនៃការបង់ភាគទាន។