កិច្ចប្រជុំពិភាក្សាយោបល់ ស្ដីពីការផ្ដល់សេវារបស់មូលដ្ឋានសុខាភិបាលជូនកម្មករ និយោជិតដែលជាសមាជិក ប.ស.ស

រាជធានីភ្នំពេញ ៖ បេឡាជាតិរបបសន្តិសុខសង្គម (ប.ស.ស) ព្រឹកថ្ងៃទី១២ ខែឧសភា ឆ្នាំ២០១៧ ប.ស.ស នៃក្រសួងការងារ និងបណ្តុះបណ្តាលវិជ្ជាជីវៈ បានរៀបចំកិច្ចប្រជុំពិភាក្សាពិគ្រោះយោបល់ស្តីពីការផ្តល់សេវារបស់មូលដ្ឋានសុខាភិបាលជូនកម្មករ និយោជិត ដែលជាសមាជិក ប.ស.ស ដឹកនាំដោយលោក អ៊ុក សមវិទ្យា នាយក ប.ស.ស ដោយមានការចូលរួមពី តំណាងក្រសួងសុខាភិបាល តំណាងមូលដ្ឋានសុខាភិបាល សមាគមរោងចក្រកាត់ដេរនៅកម្ពុជា(GMAC) សហព័ន្ធនិយោជក និងសមាគមពាណិជ្ជកម្មកម្ពុជា(CAMFEBA) តំណាងក្រុមប្រឹក្សាសហជីពជាតិកម្ពុជា(CCNU) តំណាងសហព័ន្ធសហជីព សហជីពមូលដ្ឋានតាមរោងចក្រ និងតំណាងនិយោជក/រដ្ឋបាលរោងចក្រកាត់ដេរនិងផលិតស្បែកជើង។ ក្នុងស្មារតីប្រជុំនេះ បញ្ហាប្រឈម និងសំណូមពរមួយចំនួន ត្រូវបានលើកឡើង ដើម្បីធ្វើការដោះស្រាយរួមគ្នា ក្នុងន័យជំរុញការផ្តល់សេវារបស់មូលដ្ឋានសុខាភិបាល និងការសម្របសម្រួលពី ប.ស.ស ទៅដល់កម្មករ និយោជិតដែលជាសមាជិក ប.ស.ស ឱ្យកាន់តែប្រសើរមួយកំរិតបន្ថែមទៀត។ សរុបមក ប.ស.ស នឹងរៀបចំឱ្យមានកិច្ចប្រជុំជាប្រចាំរៀងរាល់៣ខែម្តង និងបង្កើតក្រុមការងារតាមប្រព័ន្ធអេឡិចត្រូនិចដើម្បីទទួលបញ្ហា និងដោះស្រាយឱ្យបានទាន់ពេលវេលា។