Mail |
  • ភាសាខ្មែរ
  • EnglishEnglish
  • គិតមកត្រឹមបំណាច់ខែមិថុនាកន្លងមកនេះ ថវិកាប្រមាណជាង ៤១ពាន់លានរៀល ត្រូវបានរាជរដ្ឋាភិបាលកម្ពុជាបើកផ្តល់ជូនកម្មករនិយោជិតជាស្ត្រីសម្រាលកូន ទាំងក្នុងនិងក្រៅប្រព័ន្ធ

    រាជធានីភ្នំពេញ៖ ក្នុងចំនួនថវិកាប្រមាណជាង ៤១ ៣៥២ ០០០ ០០០ រៀល នេះ ត្រូវបានរាជរដ្ឋាភិបាលបើកផ្តល់ជូន តាមរយៈបេឡាជាតិរបបសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ ដោយគិតចាប់ពីថ្ងៃទី០១ ខែមករា ឆ្នាំ២០១៨ រហូតមកដល់ថ្ងៃទី៣០ ខែមិថុនា ឆ្នាំ២០១៩ នេះ។

    យោងតាមរបាយការណ៍ ប.ស.ស បានបញ្ជាក់ឲ្យដឹងទៀតថា៖ ក្នុងចំនួនថវិកាដែលត្រូវបានបើកផ្តល់ជូនដល់កម្មការិនីជា ស្រ្តីសម្រាលកូន សរុប ១០២ ៦៦០នាក់ មានចំនួនកូនទាំងអស់ ១០៣ ៣៨០នាក់ ដែលក្នុងនោះ ស្រ្តីសម្រាលកូនភ្លោះពីរ មានចំនួន ៧០៤នាក់ និងស្រ្តីសម្រាលកូនភ្លោះបី មានចំនួន ៨នាក់) ។

    ការផ្តល់ប្រាក់ឧបត្ថម្ភបន្ថែមនេះ ត្រូវបានអនុវត្តចាប់ពីថ្ងៃទី០១ ខែមករា ឆ្នាំ២០១៨ កន្លងមក ពោលគឺ ក្រោយពេលដែល រាជរដ្ឋាភិបាលកម្ពុជា បានប្រកាសជាសាធារណៈសម្រេចផ្តល់ប្រាក់ឧបត្ថម្ភ ដល់កម្មការិនីដែលទើបសម្រាលកូនទាំងក្នុង និងក្រៅប្រព័ន្ធ ឱ្យទទួលបានប្រាក់ឧបត្ថម្ភបន្ថែមរបស់រាជរដ្ឋាភិបាល ។

    សូមបញ្ជាក់ថា៖ សម្រាប់ស្រ្តីដែលសម្រាលបានកូនមួយ ទទួលបានប្រាក់ ៤០ម៉ឺនរៀល

    – សម្រាលបានកូនភ្លោះពីរ ទទួលបាន ៨០ម៉ឺនរៀល

    – សម្រាលបានកូនភ្លោះបី ទទួលបាន ១២០ម៉ឺនរៀល ដែល

    ត្រូវបានបើកផ្តល់ដោយ បេឡាជាតិរបបសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ។

    នេះគឺសបញ្ជាក់ពីការយកចិត្តទុកដាក់ខ្ពស់បំផុត ពីសំណាក់ប្រមុខរាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា ចំពោះសុខុមាលភាព និងជីវភាពរស់នៅរបស់ប្រជាពលរដ្ឋ និងបងប្អូនកម្មករនិយោជិតនៅកម្ពុជា៕

    ព័ត៌មានសំខាន់ៗ
    ចំនួនសហគ្រាស និងកម្មករចុះបញ្ជិកា
    • ៩,២០៧ សហគ្រាស
    • ចំនួនសមាជិកសរុប ១,១៦៩,៣៦៤ នាក់
    • ចំនួនសមាជិកស្រីសរុប ៨១៧,៧១៩ នាក់
    ប.ស.ស Facebook Page