Mail |
  • ភាសាខ្មែរ
  • English
  • មន្ត្រី ប.ស.ស រៀបចំកិច្ចប្រជុំពិភាក្សាលើកម្មវិធីពិគ្រោះ និងផ្តល់យោបល់ជុំវិញកិច្ចសហការ ស្តីពីវេទិកានៃបច្ចេកវិទ្យាទំនាក់ទំនងព័ត៌មានសន្តិសុខសង្គមជាមួយភាគីពាក់ព័ន្ធ

    ឯកឧត្តម សួន ស៊ីទៀង នាយករង ប.ស.ស. និងតំណាងឯកឧត្តម អ៊ុក សមវិទ្យា ប្រតិភូរាជរដ្ឋាភិបាល ទទួលបន្ទុកជានាយកបេឡាជាតិរបបសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ និងមន្រ្តី ព្រមទាំងបុគ្គលិក បានរៀបចំកិច្ចប្រជុំពិភាក្សាលើកម្មវិធីពិគ្រោះ និងផ្តល់យោបល់ជុំវិញកិច្ចសហការ ស្តីពី «វេទិកានៃបច្ចេកវិទ្យាទំនាក់ទំនងព័ត៌មានសន្តិសុខសង្គម (Security ICT Platform)» ដោយមានការចូលរួមពីភាគីអង្គការ JICA  និងក្រុមហ៊ុន Hitachi, LTD សរុបប្រមាណ ២០នាក់។

    ឯកឧត្តម សួន ស៊ីទៀង បានលើកឡើងថា កិច្ចប្រជុំនេះមានគោលបំណង រៀបចំ និងបង្កើតទិន្នន័យ ដើម្បីគ្រប់គ្រងទៅលើ ទិន្នន័យរបស់កម្មករនិយោជិតទាំងក្រៅ និងក្នុងប្រព័ន្ធ និងត្រួតពិនិត្យរាល់ប្រតិបត្តិការចុះបញ្ជីកម្មករនិយោជិត តាមប្រព័ន្ធ បច្ចេកវិទ្យា និងគមនាគមន៍ ដោយផ្តល់ការគាំទ្រដល់ប្រតិបត្តិការប្រព័ន្ធឯករាជ្យ និងពិភាក្សាកែសម្រួលលំហូរប្រតិបត្តិការ ប្រព័ន្ធថែទាំសុខភាព សម្រាប់កម្មករនិយោជិតក្រៅប្រព័ន្ធ។

    សូមបញ្ជាក់ថា កិច្ចប្រជុំខាងលើ ប្រព្រឹត្តទៅនៅថ្ងៃពុធ ១២ រោច ខែភទ្របទ ឆ្នាំកុរ ឯកស័ក ព.ស.ស ២៥៦៣ ត្រូវនឹងថ្ងៃទី ២៥ ខែកញ្ញា ឆ្នាំ២០១៩ នៅសាលប្រជុំ នៃស្នាក់ការកណ្តាល ប.ស.ស.៕

    មជ្ឈមណ្ឌលព័ត៌មាន ១២៨៦

    ព័ត៌មានសំខាន់ៗ
    ចំនួនសហគ្រាស និងកម្មករចុះបញ្ជិកា
    • ២១,៤៣០ សហគ្រាស
    • ចំនួនសមាជិកសរុប ៣,​១២០,២០៨ នាក់
    • ចំនួនសមាជិកស្រីសរុប ១,៧៩៨,៥១០ នាក់
    ទំព័របណ្ដាញសង្គម ប.ស.ស.