Mail |
  • ភាសាខ្មែរភាសាខ្មែរ
  • EnglishEnglish
  • ជនរងគ្រោះជាសមាជិក ប.ស.ស ចំនួន ១រូប នៅខេត្តស្ទឹងត្រែងត្រូវបានក្រុមការងារការិយាល័យស្តារនីតិសម្បទា នៃ ប.ស.ស. ចុះសួរសុខទុក្ខ ត្រួតពិនិត្យស្ថានភាពរបួស និងសម្របសម្រួលក្នុងការផ្តល់សេវាបណ្តុះបណ្តាលនូវជំនាញវិជ្ជាជីវៈ

    ស្ទឹងត្រែង៖ ក្រោមការចាត់តាំងពីសំណាក់ឯកឧត្តមប្រតិភូរាជរដ្ឋាភិបាលទទួលបន្ទុកជានាយក ប.ស.ស នាថ្ងៃព្រហស្បតិ៍ ១២កើត ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១០ ខែតុលា ឆ្នាំ២០១៩ នេះ ក្រុមការងារការិយាល័យ ស្តារនីតិសម្បទា នៃ ប.ស.ស ឱ្យចុះទៅសួរសុខទុក្ខ និង សម្របសម្រួលក្នុងការផ្តល់សេវាបណ្តុះបណ្តាលវិជ្ជាជីវៈ នូវជំនាញជួសជុលម៉ូតូ ដល់សមាជិក ប.ស.ស ម្នាក់ នៅខេត្តស្ទឹងត្រែង។

    ជនរងគ្រោះខាងលើ មានឈ្មោះ អ៊ិន រស្មី ភេទប្រុស អាយុ ៣២ឆ្នាំ ដែលទទួលរងគ្រោះថ្នាក់ចរាចរណ៍កាលពីថ្ងៃទី១២ ខែមិថុនា ឆ្នាំ២០១៧ បណ្តាលឱ្យពិការជើងខាងស្តាំត្រឹមក្រោមភ្លៅ ដែលបច្ចុប្បន្នមានទីលំនៅក្នុងភូមិបាចុង ឃុំព្រះបាទ ស្រុកស្ទឹងត្រែង ខេត្តស្ទឹងត្រែង ។

    ជាមួយនឹងការចុះសួរសុខទុក្ខ ត្រួតពិនិត្យស្ថានភាពរបួស និងសម្របសម្រួលក្នុងការផ្តល់សេវាបណ្តុះបណ្តាលនូវជំនាញ វិជ្ជាជីវៈខាងលើ  ជនរងគ្រោះដែលជាសមាជិក ប.ស.ស. បានសម្តែងនូវការពេញចិត្ត និងអរគុណយ៉ាងខ្លាំងចំពោះ ក្រុមការងារ ប.ស.ស. ជាពិសេសប្រមុខរាជរដ្ឋាភិបាល ដែលតែងតែយកចិត្តទុកដាក់ខ្ពស់អំពីសុខុមាលភាព និងជីវៈភាពរស់នៅ របស់បងប្អូនប្រជាពលរដ្ឋជាកម្មករនិយោជិត ៕

     

    មជ្ឈមណ្ឌលព័ត៌មាន ១២៨៦

    ព័ត៌មានសំខាន់ៗ
    ចំនួនសហគ្រាស និងកម្មករចុះបញ្ជិកា
    • ១៧,៣៥៥ សហគ្រាស
    • ចំនួនសមាជិកសរុប ២,៧២៣,៨២៦ នាក់
    • ចំនួនសមាជិកស្រីសរុប ១,៦៣៣,៥៨៣ នាក់