កិច្ចប្រជុំវាយតម្លៃចុងក្រោយនៃការអនុវត្តគម្រោងសាកល្បង SPIN របស់អង្គការហ្គ្រេត

(ភ្នំពេញ)៖ នាព្រឹកថ្ងៃទី៨ ខែកុម្ភៈ ឆ្នាំ២០២៣ ឯកឧត្តមបណ្ឌិត ហេង សុផាន់ណារិទ្ធ អគ្គនាយករង ប.ស.ស. និងជាប្រធានក្រុមការងារបច្ចេកទេសគម្រោង SPIN តំណាងដ៏ខ្ពង់ខ្ពស់ ឯកឧត្តម អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម (ប.ស.ស.) បានអញ្ជើញដឹកនាំកិច្ចប្រជុំស្តីពីការវាយតម្លៃចុងក្រោយនៃការអនុវត្តគម្រោងសាកល្បង SPIN របស់អង្គការហ្គ្រេត។
កិច្ចប្រជុំនេះ ផ្តោតលើចំណុចសំខាន់ៗមួយចំនួនដូចជា៖ (១). ធ្វើការណែនាំអំពីដំណើរការនៃការវាយតម្លៃ (២). បង្ហាញជូនអំពីការអនុវត្តការវាយតម្លៃចុងក្រោយនៃគម្រោង SPIN ដែលអនុវត្តដោយអង្គការហ្រ្គេត ក្រោមការឧបត្ថម្ភគាំទ្រដោយទីភ្នាក់ងារបារាំងសម្រាប់ការអភិវឌ្ឍន៍ និង (៣). បង្ហាញជូនអំពីវិធីសាស្រ្តនៃការវាយតម្លៃដែលអនុវត្តដោយទីប្រឹក្សាវាយតម្លៃ។
គួររំលឹកផងដែរថា៖ គម្រោង SPIN បានគាំទ្រលើការអភិវឌ្ឍកម្មវិធីចំនួន៤ធំៗ គឺ ១.កម្មវិធីតាមគេហទំព័រ ២.ការវាយតម្លៃហានិភ័យហិរញ្ញវត្ថុ ៣. មជ្ឈមណ្ឌលព័ត៌មាន និង៤.យុទ្ធសាស្រ្តនៃការផ្សព្វផ្សាយ។
សូមបញ្ជាក់ថា៖ កិច្ចប្រជុំពិភាក្សាខាងលើ បានប្រព្រឹត្តទៅនៅសាលប្រជុំ នៃស្នាក់ការកណ្តាល ប.ស.ស. ដោយមានវត្តមានអញ្ជើញចូលរួមពីថ្នាក់ដឹកនាំ មន្ត្រី និងបុគ្គលិកនៃនាយកដ្ឋានសេវាអតិថិជន និងទំនាក់ទំនងសាធារណៈ នៃ ប.ស.ស. តំណាងពីអង្គការហ្រ្គេត សមាគម SHPA និងទីប្រឹក្សាផ្នែកវាយតម្លៃគម្រោង ជាច្រើនរូប៕